Í sumar mun ég fara af stað með nýja hóptíma hjá líkamsræktarstöðinni Norður. Þetta verða fjölbreyttar styrktar- og úthaldsæfingar ætlaðar fólki sem er komið yfir sextugt en allir eru velkomnir óháð aldri og færni. Æfingarnar verða aðlagaðar að mismunandi getu og áhersla lögð á góða líkamsbeitingu og faglega leiðsögn. Tímarnir verða byggðir upp í anda crossfit þjálfunar sem þýðir að unnið er á fjölbreyttan hátt í gegnum einfaldar og eðlilegar hreyfingar sem gagnast öllum í daglegu lífi. Ásamt æfingum með eigin líkamsþyngd munum við nota hjól og róðrarvélar og ýmis áhöld eins og lóð og ketilbjöllur. Markmiðið er að efla vellíðan og hreysti í skemmtilegum félagsskap! Æft verður kl. 13:30 á þriðjudögum og fimmtudögum í júní, júlí og ágúst (ath. tímasetning gæti mögulega breyst). Einnig veður boðið upp á aðgang að opnum styrktar tímum hjá Norður. Verð verður 10.990 á mánuði Hikið ekki heldur við að heyra í mér ef þið viljið fá nánari upplýsingar. Bestu kveðjur, Bergljót Borg, sjúkraþjálfari