WOD
Wod er alhliða styrktar-og úthaldsþjálfun sem byggist upp á stöðugt breytilegum æfingum. Æfingakerfið miðar af því að undirbúa iðkendur að takast á við líkamlegar áskoranir að hvaða tagi sem er án þess að sérhæfa sig í neinni grein. Ekki er krafa um að hafa lokið grunnámskeiði til að mæta í tímana.
ÚTHALD
Í úthaldstímum er lögð áhersla á bæði styrktar- og úthaldsæfingar. Notast er við meðal annars ketilbjöllur, handlóð, bolta, sippubönd, róðravélar og hjól í tímum. Bæði er notast við æfingar með þyngdum og líkamsþyngd. Áhersla er á neðri hluta líkamans á mánudögum og fimmtudögum, efri hluta á þriðjudögum og föstudögum en þol og kvið á miðvikudögum.
STYRKUR
Í þessum tímum er áhersla lögð á fjölbreytta styrktarþjálfun. Tímarnir eru byggðir upp á vel skipulögðu æfingaprógrammi sem skilar árangri. Tímarnir henta öllum, bæði þeim sem vilja bæta styrk og einnig þeim sem vilja byrja rólega og læra að beita sér rétt. Markmið þessa tíma er að læra betri líkamsbeitingu og stuðla að langlífi Rólegir og þægilegir tímar fyrir alla aldurshópa.
YOGA STYRKUR
Í þessu jógatímum er áhersla lögð á byggja upp styrk, stöðugleika, auka liðleika og hreyfigetu í gegnum blöndu af hreyfiflæði, styrktar- og liðkunaræfingar.
Tímarnir henta öllum þeim sem vilja auka vitund, getu og ,,frelsi” í eigin líkama
BRENNSLA
Brennsla:
Nýjir tímar í heitum sal.
Fjölbreyttir tímar þar sem oftast er unnið á tíma svo hver og einn getur ákveðið sitt álag og sinn hraða í tímanum.
Á mánudögum og miðvikudögum er lögð áhersla á neðri líkama og kvið en á þriðjudögum og föstudögum allan líkamann.
Muna að taka með sér vatnsbrúsa og lítið handklæði.
KVIÐUR - TEYGJUR
Kviður:
30 mínútna tímar með áherslu á fjölbreyttar kviðæfingar. Einnig verður blandað inn rass-og bakæfingum í tímunum. Rólegir tímar sem henta öllum. Salurinn getur verið volgur.
Teygjur:
30 mínútna tímar sem hafa það að markmiði að liðka líkamann með alhliða teygjuæfingum. Salurinn getur verið volgur.
TÆKNI TÍMAR
Tæknitími
Tímar þar sem við förum ítarlega yfir bæði fimeika æfingar og ólympískar lyftingar sem koma fyrir í Crossfit. Þar sem lengri tími gefst bæði fyrir þjálfara að útskýra hreyfinguna og æfa sig undir eftirliti. Tímarnir henti bæði byrjendum og lengra komnum.
FULLORÐNIR
Þetta verða fjölbreyttar styrktar- og úthaldsæfingar ætlaðar fólki sem er komið yfir sextugt en allir eru velkomnir óháð aldri og færni. Æfingarnar verða aðlagaðar að mismunandi getu og áhersla lögð á góða líkamsbeitingu og faglega leiðsögn. Tímarnir verða byggðir upp í anda crossfit þjálfunar sem þýðir að unnið er á fjölbreyttan hátt í gegnum einfaldar og eðlilegar hreyfingar sem gagnast öllum í daglegu lífi. Ásamt æfingum með eigin líkamsþyngd verða notuð hjól og róðrarvélar og ýmis áhöld eins og lóð og ketilbjöllur. Markmiðið er að efla vellíðan og hreysti í skemmtilegum félagsskap!
BARNASPRIKL
Í Norður barnasprikli geta börn leikið sér og gert alls konar æfingar í hóp með þjálfara á meðan foreldrarnir æfa. Takmarkaður fjöldi er í tímann og fer skráning fram í Sportabler.