NÁMSKEIÐ

NORÐUR FORELDRAR


Námskeiðið er fyrir nýbakaðar mæður og feður sem vilja koma sér af stað á öruggan hátt eftir fæðingu barns í skemmtilegum félagsskap. Tímarnir eru byggðir á fjölbreyttum og skemmtilegum æfingum sem styrkja allan líkamann en með extra fókus á grindarbotn og kviðvöðva. Æfingarnar eru byggðar á markvissu æfingaprógrammi sem skilar árangri. Í einstaka tímum verður boðið upp á stutta og markvissa fræðslu í tengslum við nýburann og móður – og föðurhlutverkið. Fræðslan mun miðast við þarfir og eftirspurn iðkenda á hverjum tíma. Kristín Hólm, ljósmóðir mun sjá um þá fræðslu en hún hefur mikla reynslu og þekkingu á þessu sviði.

Tímasetningar: Mánudaga, miðvikudaga og föstudaga kl. 9:45-10:45.

Þjálfarar: Björk Óðinsdóttir og Kristín Hólm

Næsta námskeið hefst 1. nóvember og er til 10. desember

6. vikna námskeið: 35.990 kr

Kort í alla opna tíma gildir út árið

NORÐUR MEÐGANGA


Markmið með reglulegri líkamsrækt á meðgöngu er að viðhalda líkamlegri hreysti og auka styrk. Rannsóknir benda til þess að almennar ráðleggingar um a.m.k. 30 mín.líkamlega áreynslu daglega, eigi einnig við um barnshafandi konur Tímarnir eru kenndir í Sal 2 í Tryggvabraut.

Þjálfarar: Kristín Hólm

Tímasetningar: Þriðjudaga og fimmtudaga kl 18:30

Næsta námskeið hefst 2. nóvember og er til 9. desember 6. vikna námskeið: 29.990 kr kort í alla opna tíma gildir út árið

NORÐUR LÉTTARA LÍF


Léttara líf er lokað 4. vikna námskeið fyrir einstaklinga sem glíma við lágt sjálfsmat og kvíða gagnvart því að fara inn á líkamsræktarstöð og hafa ekki fundið sig í að stunda hreyfingu. Hentar öllum aldurshópum. Á námskeiðinu verður bæði hugað að andlegri og líkamlegri heilsu. Í tímum verður hugað að andlegri heilsu með fræðslu, hvatningu og markmiðasetningu ásamt hreyfingu. Með námskeiðinu viljum við sjá fólk öðlast meira sjálfstraust og trú á eigin færni, þekkingu á grunnhreyfingum og hjálp við að finna gleðina í því að hreyfa sig.

Þjálfari: Alda María Norðfjörð

Tímasetningar: Mánudaga og miðvikudaga kl. 18:30.

Næsta námskeið hefst 1. nóvember og er til 9. desember

Kort í alla opna tíma gildir út árið

NORÐUR START


Startið er námskeið sem ætlað er einstaklingum á öllum aldri. Hentar vel þeim sem eru að byrja sín fyrstu skref í þjálfun og þeim sem eru að koma til baka eftir pása. Farið er vel yfir æfingarnar sem gerðar eru í tímum og hver og einn stjórnar sínu æfingaálagi. Kort í alla opna tíma fylgir með námskeiði

Tímasetningar: : mán og mið kl. 16:30

Þjálfari: Thomas Pálsson

Næsta námskeið hefst 1. nóvember og er til 9. desember 6. vikna námskeið: 35.990 kr

Kort í alla opna tíma gildir út árið

NORÐUR UPPBYGGING


Námskeið fyrir þá sem eiga við einhvers konar verki og/eða meiðsli að stríða. Einblínt er á rétta líkamsstöðu og líkamsbeitingu við framkvæmd æfinga og markmiðið er að hver og einn öðlist góða þekkingu á eigin líkama. Námskeiðið er byggt upp út frá þáttakendum hverju sinni svo að hver og einn fá fræðslu og leiðbeiningar við hæfi. Námskeiðið hentar þeim sem eru að koma sér af stað aftur eftir meiðsli, þeim sem eiga við verki að stríða og vantar sjálfstraust við framkvæmd æfinga og þeim sem eru að eiga við meiðsli/verki samhliða sinni íþróttaiðkun.

Tímasetningar: Þriðjudaga og fimmtudaga, kl. 17:30-18:30. Næsta námskeið hefst 2. nóvember og er til 9. desember

6. vikna námskeið: 35.990 kr

Kort í alla opna tíma gildir út árið

Þjálfari: Sesselja


NORÐUR 60


Þetta verða fjölbreyttar styrktar- og úthaldsæfingar ætlaðar fólki sem er komið yfir sextugt en allir eru velkomnir óháð aldri og færni. Æfingarnar verða aðlagaðar að mismunandi getu og áhersla lögð á góða líkamsbeitingu og faglega leiðsögn. Tímarnir verða byggðir upp í anda crossfit þjálfunar sem þýðir að unnið er á fjölbreyttan hátt í gegnum einfaldar og eðlilegar hreyfingar sem gagnast öllum í daglegu lífi. Ásamt æfingum með eigin líkamsþyngd verða notuð hjól og róðrarvélar og ýmis áhöld eins og lóð og ketilbjöllur. Markmiðið er að efla vellíðan og hreysti í skemmtilegum félagsskap!

Æft verður kl. 13:10 á þriðjudögum og fimmtudögum í Njarðarnesi.

Verð 14.990 fyrir 4 vikur

Næsta námskeið hefst 2. nóvember og er til 9. desember 6. vikna námskeið: 22.500 kr

Kort í alla opna tíma gildir út árið